Opor sasoian atsedena hartu ostean, berriro helduko diogu Iruñeko Karrikiri elkartean duela zenbait hilabete martxan jarritako Karrisolasa ekimenari. Euskalgintzako gaien inguruan solas tarte lasai eta patxadatsuak sortzeko asmoz sortutako egitasmoaren saio berrian elebitasunaren mito okerrak izanen ditugu solasgai.
Eta horretarako François Grosjea Neuchatel Unibertsitateko Irakasleak argitaratutako Bilingual: Life and Reality lanaren inguruan Josu Sierrak egindako artikulua hartuko dugu hizpide eztabaidari ekiteko.
Hitzordua heldu den urriaren 19an izanen da 19:00etan Karrikiri elkarteak Iruñeko alde zaharreko Xabier jaitsierako 4ean duen egoitzan. Animatu eta hurbildu gurera. Saiora etortzeko asmorik baduzue, sakatu "Mito faltsuak" izenburua duen duen esteka gure webgunean eta eskuratu Josu Sierraren artikulua. karrikiri.org
No hay comentarios:
Publicar un comentario