Tafallako Kultur Patronatuak eta Euskara Batzordeak antolatzen duten Euskarazko Zinema Zikloa abian jarriko da gaur osteguna Kultur Etxean. Bi emanaldi izango dira: 20:00 eta 22:30etan. Gaurko filma: Patxo Telleria eta Aitor Mazok zuzuenduriko Bypass izeneko komedia.
Maria bihotzetik gaixo dago eta hiltzera doa. Xabi, lagun bat, Bartzelonatik etorriko da azken agurra ematera. Bidean, Maria beraz maiteminduta dagoela jakiten du, eta pozteko, gezurra esan eta bera ere hala dagoela kontatzea erabakitzen du. Baina Maria ez da hiltzen, eta Xabik bikote-bizitzaren plantak egitera behartuta ikusten du bere burua, atsekabeak Mariaren bihotz ahularekin amai ez dezan.Egoera horretan, haurdun geratu berri den bere benetako neskalagunari, Bartzelonako neska bati, bizkar eman beharko dio. Autoreak: Gorka Otxoa, Sara Cozar, Barbara Goenaga, Aitor Mazo, Itziar Atienza, Mikel Losada, Unax Ugalde. Iraupena: 98 minutu.
No hay comentarios:
Publicar un comentario