Ibarreko buraso multzo batek 1991n sortu zuen Oztibarreko ikastola. Orduan sartu zen irakasle Martta Lako. Lehen postua zuen, eta geroztik han jarraitzen du eskola ematen.
Lehenagotik sortu ziren Garaziko eta Amikuzeko ikastola, eta oztibartar batzuek ibarrean berean ikastola baten muntatzeko beharra ikusi zuten. “Amikuzerat edo Garazirat joateko franko urrun baitzuten, nahi izan zuten ikastola bat sortu Oztibarren, beren haurrek ukan zezaten parada euskaraz ikasteko”, oroitu du Lakok. Sei haurrekin abiatu zuten ikastola, Bunuze Intxauzetan. Bi urtez egon zen han, gero Donaixtira mugitzeko, buraso batzuek berritu etxe batera. Urte bat Donaixtin iragan ondoan, Izurarat joan zen ikastola. Prefabrikatu batzuetan egin zituzten, besteak beste, eskolak, baina hor ere behargabeko batengatik behar izan zuten mugitu. “Prefabrikatuak airatu baitziren tenpesta batekin, Ibarlan ere egon gara”, erran du Lakok. Ibarla eta Izura artean egona da zenbait denboraz ikastola, 2007. urtean eraikin berria Larzabalen altxatu zuten arte. Geroztik, han da, Manex Erdozaintzi-Etxart kolegioaren ondoan". (klik egin-ver más)
Ipar Euskal Herriko Hitza
