Kanpaina berria abiatu du Errigorak, ‘Herriak egiten du herria’. Eta ez nolanahi. Euskal Herriko txoko askotako jendea batuta, auzolan erraldoia antolatu du goizean Ablitasen, gaurtik hasita azaroaren 11 bitarte haien webgunearen bitartez eskatu daitezkeen 4.000 kutxa osatuz.Nafarroa hegoalde eta erdialdeko produktuz osatutako hiru saski eskainiko dira, 55, 65 eta 75 euroko prezioan, hurrenez hurren, eta horien balioaren %25 zonaldeko euskalgintzari bideratuko zaio.
Izan ere, hori da aurtengo kanpainaren mezua. «Errigoraren ibilbide laburra herrigintza ariketa ederra izan da; herriak herriari eginiko ekarpen xume bezain inspiratzailea. 2013tik 1,4 milioi euro baino gehiago bideratu ditugu Nafarroa hegoaldean eta erdialdean euskaldunak sortzeko herritik jaiotako egitasmoak sustengatzera». Bide horretan, elikadura burujabetza ere bada oinarri.
Eta auzolanaren balio hori nabarmendu nahi izan dute ekimenaren bultzatzaileek gaur. «Herritarrak kontsumitzaile edo erabiltzaile huts bihurtu diren garaiotan, auzolanaren balioa eta baliagarritasuna frogatu dugu». (klik egin-ver más)
Aitor Agirrezabal, naiz.eus webgunean
No hay comentarios:
Publicar un comentario