INICIATIVA PARA VOTAR AL SENADO A LUJÁN, BEGIRISTAIN Y BERNAL

Mi voto al Senado va a ser éste. ¿Por qué?

La manera de reparto de escaños al Senado es muy desigual dando 3 senadores a la fuerza más votada, y 1 a la segunda. Esto hace que la pluralidad de una tierra como Navarra no se vea representada. ¿Cómo esquivar esta forma de reparto que hace que con muy pocos votos el PP tenga mayoría absoluta en el Senado?

La respuesta la tenemos en la iniciativa estatal "Ganemos El Senado". Yendo a la práctica aquí en Navarra, si cada uno de los votantes de las fuerzas que sostienen el cambio votan al primero de la lista de cada una de ellas (Unidos Podemos, Eh Bildu, y Geroa Bai entonces UPN-PP no obtendrán los tres senadores como habitualmente han hecho, y en el Senado estará representada la pluralidad de esta tierra sorteando el tradicional e injusto reparto.

Así que ya sabes, reparte las tres cruces que puedes marcar en la papeleta sepia de la forma que aparece en la foto.

http://www.ganemoselsenado.es/

José Antonio Beloqui, en Facebook.

XANTI BEGIRISTAINEK BERE AMA ZENDU BERRIARI IDATZITAKO AGURRA

Martxoaren 13an, igandearekin, joan zinen, ama ona, betiko, behin ere ez itzultzeko berriz mundu honetara; dagoeneko, zure gorputzak ez omen zuen konponbiderik. Nekatuegia omen zegoen; higatuegia. Eta horrelaxe, txoritxoak elur eta izotzetan bezala, joan zinen bukatzen, kandelak amaieran legez, joan zinen itzaltzen, azken arnasa 13:00etan eman arte.

Eta, zeinen hutsune handia gelditzen den etxean zure presentziarik gabe! Hutsune beteezina. 30 urtez elkarrekin bizi izan ondoren, zure falta oso nabarmena da. Oraindik, edozein leku eta edozein momentutan agertzen zaizkit zure irudiak eta oroitzapenak; ematen du ez zarela benetan joan. Iruditzen zait, noiznahi agertu ahal zarela, "egun on", "zer moduz" edota "gabon" esateko. (klik egin-ver más)

Xanti Begiristain Madotz. 

Iruñea, 2016-03-18. 

Euskalerria Irratiak argitaratutakoa

EUSKAL PILOTA

Lehengoan, ETB1ean ari nintzen ikusten pilota partidu bat, Azpeititik ematen ari zirena, San Inazio egunarekin, eta esatariak (Xabier Euzkitze eta Joxean Tolosa) euskarari behar duen prestigio eta tornuia ematen ari zitzaizkion bitartean, artekariei, batere lotsarik gabe, honako esaldi hauexek entzuten zitzaizkien ozenki, oso ozenki: «zien a setenta; zien a doszientos; zien colorau, quinientos azules, doszientos azules, mil a cuatro, mil a dos», eta abar, eta abar, eta abar. (klik egin-ver más)

Xanti Begiristain (GARAn)

EUSKARA IRUÑEAN

Iruñeak, azken hamarkada hauetan, behin ere ez ditu izan bere alde ez Euskararen Legea ez Euskararen Ordenantza; hauek beti lehenetsi dute gaztelania eta euskara txarretsi.

Horrez gainera, 2003an, agintaldi haren lehen osoko bilkuran, UPNk eta CDNk are gehiago okertu zuten Euskararen Ordenantza Iruñean; alegia, erabaki zuten elebitasunean ez zutela zertan egon bi hizkuntzek euskarri berean, eta abar. Harrezkero, gehiago areagotu zen ordurako txarra zen euskararen egoera Nafarroa Garaiko hiriburuan: euskarak bigarren planoak jarraitu zuen, testu gutxiagorekin, letra txikiagoekin, kolore lausoagoekin, eta bat eta beste. (klik egin-ver más)

Xanti Begiristain

USTEKABEA NAFARROAKO KATASTROAN

Egun hauetan, 2012-06-07, saiatzen ari naiz egiten argi-hornidurarako kontratua Iberdrola enpresarekin Auritz herrian. Nire harridurarako, aipatutako enpresak etxeko helbidea idazterakoan, «Avenida Roncesvalles» jarri zuen. Gaur bertan deitu dut telefonoz delako enpresara eta eskatu dut, mesedez, euskaraz artatua izateko, besteak beste, hobeki ulertua izan nendin. Inolako arazorik gabe eta berehalaxe gainera, emakumezko batek hitz egin dit oso euskara egokian; mendebaldeko euskalkiaren hitzak erabiltzen zituen sarritan.

(klik egin-ver más)
Xanti Begiristain Madotz (GARAn)

YOLANDA BARCINA, ESKERRIK ASKO

Eskerrik asko, bai, Lehendakari andrea zure eskuzabaltasunagatik, eta gauza bera esaten diet Roberto Jimenez (eskertiar sozialista handia), Jose Iribas, Juan Luis Sanchez de Muniain eta gaur egun Nafarroa Garaian ditugun aurrekontuen alde bozkatu zuten parlamentari jaun-andre guztiei. Izan ere, 2012-01-31n jaso bainuen gutun bat, Gazteria, Kirol, Berdintasun eta Gizarte Politikako Departamentutik -Concepción Puyo Gracia zuzendari gerenteak eta Elena Torres Miranda kontseilariak sinatua- esten duena, 2012an 162 euro emanen dizkidatela hileko, nire menpekotasun handiaren egoeragatik, laguntza moduan.

Jarraitu baino lehen, eta ezagutzen ez nautenentzat, esanen dut gurpil-aulkian mugitzen naizela, %94ko elbarritasun maila dudala eta menpekotasun maila ere oso handia, laburbilduz azalduko dut, gaur egun, beste pertsona baten laguntza behar dudala oheratzeko, jaiki-tzeko, jantzeko, eranzteko, bainugelako betebeharrak egiteko, etxetik ateratzeko eta etxera sartzeko, ohatzean mugitzeko, oinak lurretik pedaletara altxatzeko, eta abar, eta abarrerako. (klik egin-ver más)

Xanti Begiristain Madoz (Diario de Noticias-en)

ZERGATIK EZ NINTZEN JOAN BILBORA

Joan den otsailaren 19an Bilboko manifestazio historikora joan nahi nuen, baina ez zen modurik izan hori aurrera eraman ahal izateko, autobusez. Aurreko astelehenean, otsailaren 14an, gurpil-aulkian dabilen beste lagun batek, telefonoz deitu zidan galdetzeko, ea nekien ba ote zegoen autobus egokituren bat Bilbora joan ahal izateko. Hortik aurrerakoa abiadura handiko txanpa bat izan zen. Astean zehar harremanetan jarri ginen Lokarri, EA eta Aralarrekin, baina bulego horietatik erantzun ziguten, beraiek ez zutela autobusik antolatu.

(klik egin-ver más)

Xanti Begiristain Madotz (Nabarrerian)

MAIATZAREN 15.EKO MANIFESTAZIOAREN INGURUKO BLOGA SORTU DA

Nafarroan euskaraz bizitzeko eskubidea aldarrikatzeko maiatzaren 15.erako antolatu den manifestazioaren inguruko xehetasunak emateko asmoz Kontseiluak blog bat sortu berri du. Ekimen horri atxikimendua ematen dioten zenbait pertsonen adierazpenak ikus ditzakegu bertan. Sagrario Alemanenak, Xanti Begiristainenak edo Urko Aristirenak, kasu.

Sagrario Alemanek dioenez, Euskarabideak egin duen lana itxura hutsa besterik ez da izan. Horrenbestez, herritarrei dagokie oraindik ere Nafarroan euskalduntzearen eragile nagusiak izatea.

EUSKAL KANTU TXAPELKETAREN NAFARROAKO FINALA LARUNBATEAN ELIZONDON

Heldu den larunbatean, azaroak 21, arratsaldeko 6 etan jokatuko da 2009 ko Nafarroako Euskal Kantu Txapelketako finala Elizondoko Lur aretoan. Etxarri Aranatz eta Berriobeitiko kanporaketetan eman dituzten 22 abestien artean 13 izan dira finalera pasako direnak, 13 partaiden ahotan.

Finalean arituko direnetatik, Tafallako bikote bat daukagu, Ananda eta Izai Larreak osatzen dutena.

Nabaizaleok ere badaukagu lagun zahar bat finalista horien artean, Xanti Begiristain larraundarra, Iruñeko zinegotzi ohia, argazkian dagoena, hain zuzen. Hemen azpian klik eginda daukazue Elizondon izanen direnen zerrenda osoa, eta ondoko argazkian, kanporaketetan parte hartu zuen Baldorba bikotea. (klik egin-ver más)

ERLIJIO TOKIEN JABETZAZ

Nafarroako Eliza ofizialak azken urteotan agindua eman omen dio sendi bati Mugiroko elizetxetik alde egiteko, etxea erabiltzen 25 urte eman ondoren, eta inolako aukerarik eskaini gabe, gainera, etxea erosteko, berriz alokatzeko, eta abar.

Martxoaren bukaera aldean, Iruñeko Alde Zaharrean, «Nafarroako erlijio tokiak, norenak?» izenburuko jardunaldiak egin zituen Udako Euskal Unibertsitateak. Azken urteetan, Nafarroako Elizak bere izenean erroldatu dituen hainbat lekuren inguruan sortu den eztabaida zertan den hausnartu zuten. Mahai-inguru eta solasaldietan esku hartu zuten hizlari ugari izan zen, horien artean Iñaxio Azkoaga eta Migel Larranbebere apezak, eta Jose Mari Esparza Nafarroako ondarearen defentsarako plataformako kidea. (klik egin-ver más)

Xanti Begiristain (GARAn)

XANTI BEGIRISTAINI ERANTZUNEZ

Ez nuen futbol mundutik datorren Euskadi/Euskal Herria eztabaida aspergarri horretan parte hartzeko inolako asmorik. Xanti Begiristainek gaur Berria egunkarian idazten duen gutuna irakurrita berriz, gauza pare bat esan nahi nuke. EAJ ko jendeari batez ere hausnarketa eskatzen dio Xantik. Ni ez naiz EAJkoa, ez beste inongo alderditakoa ere. NaBaikoa bai, izan nahi nuke ahal balitz.

Hasteko, oker nabarmen bat. Araba eta Nafarroako mugetan dauden idazkun horiek ez zituen Eusko Jaurlaritzak ezarri. Hala balitz, horien berdinak ikusiko lirateke Gipuzkoan sartzerakoan. Inoiz ikusi al duzu bakarren bat, Xanti? Ez, noski ezetz. Ezta Ziordia eta Eginoren artean PP lehen aldiz Arabako Diputazioaz jabetu baino lehen ere (klik egin-ver más)

Praxku

BESTE IRUZUR BAT ?

TTIPI-TTAPA - Núm. 475 - 24/07/2008

Maiatzaren 31ko Berria egunkarian irakurri nituen Carlos Perez Nievas Nafarroako Gobernuko Hezkuntza kontseilariak (CDNkoa) egindako adierazpen batzuk. Hartan nagusiki zioen, beretzat garrantzitsuena eleaniztasuna bultzatzea zela, eta horretan ari dela jo eta su. Hori dela eta, berak hezkuntza eredu bakarra sustatzen du, eta hemendik aurrera ere hala sustatuko omen du, hau da, euskara ala gaztelania gehi ingelesa. D eredua ere, nahita nahiez «egokitu» beharko dela adierazi zuen.

Printzipioz, proposamen interesgarria irudi lezake, baina azter dezagun (...). Euskara aukeratzen dutenek hizkuntza hau gehi ingelesa gehi gaztelera ikasiko dituzte. Hiru hizkuntza. Oso ongi. Beraz, eleaniztasuna. Egia esan, horixe da egun ikastoletan eta D ereduetan ikasten dutena. Horientzat ez dago berritasunik. Gainera, gogora dezagun gaur baino lehen ere, behin baino gehiagotan jaso dituztela azken horiek sari garrantzitsuak, euskara eta gaztelaniari eman beharreko tratamendua emateaz gain, ingelesari ere tratamendu egokia emateagatik.

(...) gaztelania aukeratzen dutenekin. Hauek gaztelera gehi ingelesa ikasi dituzte. Ez dut uste euskara ikastera behartuko dituztenik. Hortaz, gaztelania gehi ingelesa, bi hizkuntza ateratzen zaizkit. Horri elebitasuna deitzen zaio. Ez dakit non gelditzen den balizko «eleaniztasuna».

Gu, buruz oso motzak ez bagara, behintzat, hemen berehalaxe ikusten da ezberdintasun egoera bat. Joko arauak ez dira berdinak. Ez dirudi oso demokratikoa denik. Batzuei behartzen zaie gaztelera ikastera nahiz eta ez aukeratu, eta, hala ere, ongi iruditzen zait, gaztelania ere Nafarroa Garaiko hizkuntza ofiziala delako, eta, gainera, eleaniztasunera jo behar dugulako. Baina, gaztelera aukeratzen dutenei, aldiz, ez dut uste euskara ikastera behartuko zaienik, eta horri gaizki deritzot, euskara ere Nafarroa Garaiko hizkuntza delako, eta zaharrena, gainera. Non dago hor Perez Nievas jaunaren eleaniztasunaren aldeko apustua? Nik ez dut argi ikusten. Agian, miope samarra naizelako izanen da.

Zoritxarrez, nik susmo bat daukat, alegia, uste dut hau, berriz izanen dela trikimailu maltzur bat euskara eta D eredua balaztatzeko eta indarra kentzeko, eleaniztasunaren aitzakia merkearekin. Nahiago nuke guztiz oker banengo. Hala balitz, gustura hartuko nuke ardotxo on bat, esaterako, Perez Nievas jaunaren eleaniztasunaren osasunean.

Xanti Begiristain