domingo, 29 de marzo de 2015

L'ARAGONÉS EN A KORRIKA

En as tierras vecinas d’Euskal Herria (literalment “a tierra d´o euskera” y que reculle a Comunidad Autónoma Vasca, Navarra y o Pais Vasco francés) se ye fendo a 19 edición d´a Korrika. Una corrida popular que se fa por cada dos anyadas con a enchaquia de financiar as escuelas en do s´amuestra l’euskera. Mientres dos intensas semanas, esnabesa a ixena Euskal Herria de punta ta coda sin aturar-se.
Iste anyo, o punto kilometrico 1.707 d´a Korrika, dentre Cascant y Tudela, ha estau un kilometro prou especial. Por primera vegada colectivos y escuelas que treballan por a luenga aragonesa se son acercaus ta correr ixe kilometro.
No cal ixublidar que seguntes a UNESCO l´aragonés ye a luenga europea en más alto risque de disapareixer. Por ixo queremos agradeixer a AEK que nos haiga dixau iste puesto ta fer vistera la nuestra reyalidat, que mesmo dintro d’a nuestra tierra no en ye guaire refirmada.
Mientres que nusatros somos encara luitando por a oficialidat y a normalización, ye un argüello fer parti tamién en a baralla de l’euskera por consolidar-se y plegar en nuevos espacios y en nuevos fablans. En un mundo por cada diya más globalizáu, la solidaridat entre os pueblos ye prou important ta la supervivencia d´as suyas reyalidatz culturals.
arainfo.org

No hay comentarios:

Publicar un comentario