BERTSO JAIALDI BIKAINA GAUR IRUÑEAN, 2017KO BERTSOAROA ABIAN JARTZEKO

Iruñeko Udalak eta Nafarroako Bertsozale Elkarteak antolatzen duten 2017ko Bertsoaroari hasiera emango dion emanaldi bikainaren ordua iritsi da. Gaur osteguna, iluntzeko zortzietan hasita, Maialen Lujanbio, Unai Iturriaga, Eneko Lazkoz, Ander Fuentes ‘Itturri’, Sustrai Colina eta Onintza Enbeita punta puntako bertsolariak bilduko dira Iruñeko Gurutze Plazako Institutuko areto nagusian, Alaitz Rekondo gai-jartzailearen agindupean.